Adventure

വേണാട്ടുകാട് എന്ന ഒരു ഒരു തനി കുട്ടനാടൻ ഗ്രാമം കണ്ടെത്തിയ ആ ആദ്യ യാത്രാ അനുഭവം ...

എന്താ പറയുക.. അത് ഒരു അനുഭവമാണ്..

വളരെനാളായിട്ട് ആഗ്രഹിക്കുന്നതാണ് കെട്ടും ഭാണ്ഡവും എല്ലാം എടുത്ത് കുറച്ചു ദിവസം എങ്ങോട്ടെങ്കിലും ഒരു യാത പോകണം എന്ന്. പണ്ട് സഞ്ചാരി എന്ന FB കൂട്ടായ്‌മയിൽ നിന്നും പരിചയപ്പെട്ട ദിലീപിനോട് ആഗ്രഹം പറഞ്ഞപ്പോൾ തന്നെ കാര്യങ്ങൾക്ക് ഒരു തീരുമാനമായി.

3 രാത്രിയും 4 പകലും കൊണ്ട് ഞങ്ങൾ കണ്ട വേണാട്ടുകാട് എന്ന ഒരു കുട്ടനാടൻ ഗ്രാമം..

ദൈവം ഭൂമി സൃഷ്ഠിച്ചപ്പോൾ മുക്കാൽ ഭാഗം വെള്ളമാക്കിയയാണ് സൃഷ്ഠിച്ചത് എന്ന് മനസിലാക്കി തരുന്ന ഒരു ഭൂപ്രകൃതി, വെള്ളവും, വള്ളവും, തെങ്ങുകളും, പാടങ്ങളും, കൊച്ചു കൈതോടുകളും എല്ലാംകൊണ്ടും വരുന്നവരെ വശീകരിക്കുന്ന ഒരു സ്വപ്നദേശം. വെള്ളപൊക്കം പോലുള്ള പ്രകൃതി ദുരന്തങ്ങളെയെല്ലാം ഒരുമിച്ചു അതിജീവിച്ചു മുന്നേറുന്ന ഒരു ജനത. വരുന്നവരെ സ്നേഹിക്കാൻ മാത്രം അറിയാവുന്ന കുറെ നല്ല സാധാരണക്കാരായ ആളുകളും കുറെ വളർത്തു മൃഗങ്ങളും ഉള്ള ഒരു നല്ല ഗ്രാമം. അതാണ് വേണാട്ടുകാട്. ജീവിതത്തിൽ ഒരിക്കലെങ്കിലും നമ്മൾ വന്ന് അനുഭവിച്ചറിയേണ്ട അല്ലെങ്കിൽ നമ്മുടെ കുട്ടികൾക്ക് കാണിച്ചു കൊടുക്കേണ്ട ഒരു സ്ഥലം.